बाजींद भाग - ४८ ⚔

 

बाजींद भाग - ४८ ⚔️

▶साऊ…ज्यांच्यामुळे हा खंडोजी घडला, हे माझे वस्ताद काका…!

सावित्री पुढे आली आणि तिने वस्ताद काकांचा आशीर्वाद घेतला…!

राजे येसाजीराव बोलले……वस्ताद काका…आता आम्हीही तुमच्या खांद्याला खांदा लावू लढणार स्वराज्यासाठी…!

सखाराम हे सारे भरल्या डोळ्यांनी पाहत होता…काय ही वेडी माणसे आहेत.

वयाचा उत्तरार्ध सुरु आहे, मरण केव्हाही यांना गाठेल असे वय जगत आहेत, मात्र भाषा करत आहेत स्वराज्यासाठी लढायची…..

खरोखर ही हिंदवी स्वराज्याची मांदियाळी आमच्या नशिबी का नाही…

किती दिवस आम्ही संसाराच्या गाडग्या मडकक्‍्यासाठी जगायचे…सखाराम चे अश्रू अनावर होत होते…!

▶दरम्यान जंगलातील पूर्वे बाजूकडून शिंगे तुतारी कर्णे गर्जू लागली…!

👉सर्वांनी ताडले……शिवरायांचे पथक आले.

सारे गडबडीने तिकडे जायला निघाले.

जंगलातील त्या पठारी भागात, एका पांढऱ्याशुभ्र घोड्यावर हिंदवी स्वराज्याचा भगवा ध्वज मानाने डोलत होता.

मागोमाग पाचशे-सहाशे हत्यारबंद धारकरी दोडत येत होते. आणि एका काळ्या घोड्यावर खुद्द राजश्री छत्रपती शिवाजीराजे बसले होते.

डोक्‍यावरील मंदीलाला मोत्याचे घोस लावून रोवलेला तुरा हिन्काळत राजांची ती प्रसन्न मंगलमूर्ती नजरेस पडू लागली.

पांढरा शुभ्र अंगरखा, त्यावर घातलेली आभूषणे..गळ्यात भोसले कुळाची कवड्यांची माळ.

शिवगंधाने भव्य कपाळ रेखाटले होते. काळी रेखीव दाढी आणि चेहर्यावर नेहमीचे स्मित हास्य…..! कमरेला भवानी तलवार लटकत होती. कमरेला कट्यार दिसत होते.

घोड्याचा लगाम खेचला आणि राजे रिकिबीत पाय ठेवून पायउतार झाले…त्यांचा साऱ्या जंगलात कमालीची शांतता पसरली.

महाराजांना पाहताच सर्वांच्या कमरा मुजर्यासाठी खाली झुकल्या.

राजे हसतच खंडोजी जवळ येऊ लागले.
खंडोजी भांबावून गेला व सावरला.

राजांच्या मागे एक पैलवान गडी, कमरेला तलवार, पाठीवर ढाल अडकवून लगबगीने समोर आला. राजे बोलले….यशवंता…..तुझा खंडोजी हल्ली चांगलाच तयारीचा दिसत आहे.

त्या युवकाने हसत दुजोरा दिला….होय राजे, आता काय, तुम्ही लग्नाला परवानगी दिलीत, राजे शिर्क्यांची लेक म्हणजे लक्ष्मीच पदरात पडत आहे म्हटल्यावर अंगावर बाळसे तर दिसणारच ना..!

असे म्हणताच खंडोजी व सावित्री पुरती लाजून गेली ..इतर लोक मात्र हसू लागले.

सखाराम चे डोळे मात्र विस्फारून गेले होते.

राजांच्या सोबत जो यशवंता होता…तो..तोच तर खंडोजी म्हणून आमच्यासोबत ४ दिस या जंगलात फिरत व्हता……सखाराम ची पाचावर धारण बसली होती.

राजे येसाजी शिर्के समोर आले व त्यांनी राजांना मुजरा केला.

ते बोलू लागले…राजे…आता रायगड परिसरात केवळ भगव्या झेंड्याचे राज्य आहे…आता इथल्रा दगड आणि दगड तुमच्या सोबत आहे.

राजे हसले आणि बोलरले…..राजे शिर्के…हे तर श्रींचे काम आहे, माझे एकट्याचे नाही.

तुम्ही मनावर घेतले म्हणून इतक्या कमी वेळेत हे साधले.
.
.
👇
क्रमशः...........!

अतिशय महत्त्वाचे : सर्व शिवप्रेमींना विनंती आहे या पोस्ट मध्ये कोणीही आपली स्वताची प्रसिध्दी करु नये.🚩

🏇🏻🚩🏇🏻🚩🏇🏻🚩🏇🏻🚩🏇🏻🚩🏇🏻🚩🏇🏻🚩

*संदर्भ*
*बाजींद कांदबरी - लेखक पै.गणेश मानुगडे, ©राजमुद्रा चैनल*

*✍ लेखन/माहिती संकलन : रमेश साहेबराव जाधव.*

🏇🏻🚩🏇🏻🚩🏇🏻🚩🏇🏻🚩🏇🏻🚩🏇🏻🚩🏇🏻🚩

☀🚩⚔️|| हर हर महादेव, जय श्रीराम ||
|| जय भवानी, जय शिवाजी.||⚔️🚩

 

*🚩 बाजींद भाग - ४७ ⚔️*

 

*🚩  बाजींद भाग - ४७ ⚔️*

*▶गुप्तता हा स्वराज्याचा आत्मा आहे, पण इतकी बेमालून गुप्तता राखून तुम्ही जे काही काम केले आहे त्यासाठी या म्हाताऱ्या गुप्तहेराचा तुम्हाला मानाचा नाही काका……उलट मुजरा तुम्हाला असेल आमचा व खुद्द बहिर्जी नाईकांचा.*

*ज्याला करंगळी धरून लहानाचे मोठे केले त्याला सुध्दा कर्तव्यात कसूर केली म्हणून आपण खंडोजी समजूनच कडेलोट केले ना…*

*स्वराज्यात भावनेपेक्षा कर्तव्य मोठे आहे हा शिवशाहीचा शिरस्ता तुम्ही जागून दाखवलात….तुम्हाला मानाचा मुजरा.*

*वस्ताद काका व खंडोजी एकमेकांच्या मिठीत पडून रडू लागले.*

*त्यांची ती विलक्षण गुरुशिष्याची भेट पाहून सखाराम, नारायण, सर्जा व मल्हारी सुद्धा रडू लागले होते….*

*▶इतक्यात …..गुहेचा दरवाजा वाजला.*

*खंडोजी ने दार उघडले, आणि बाहेर एक हेजीब वर्दी द्यायला आला होता….*

*तो बोलला……दस्तूरखुद्द शिवाजीराजांचे अश्वपथक जंगलाच्या पूर्वेकडून येताना दिसत आहे…!*

*राजे येताहेत…..खंडोजी बोलला…*

*तू चल पुढे…राजांच्या अश्वांचा ताबा घे…आम्ही क्षणात आलोच…!*

*👉खंडोजी बोलू लागला…..*
*काका..चला महाराज येत आहेत.*

*सोबत बहिर्जी असावेत…कारण यशवंतमाची जिंकून आसपासच्या १०० राज्यांची ताकत एकवटली आहे….महाराजांच्या मनातील रायगड परिसरातील काळजी निघून गेली आहे…आता केवळ एकच ध्येय….दक्षिणदिग्विजय….चला सारे.*

*वस्ताद काकासोबत सखाराम व त्याचे सवंगडी खंडोजी सोबत महाराजांच्या भेटीला निघाले.*

*बाजिंद च्या जंगलातील बाजिंद ची सारी सेना महाराजांच्या दर्शनाला निघाली.*

*खंडोजी वस्ताद काकाना बोलला….काका अजून काही लोक तुम्हाला भेटायला आतुर आहेत ….असे म्हणत ते जंगलात एका ठिकाणी असलेल्या छावणीकडे आले…!*

*▶बाजिंद…..खंडोजी ने हाक मारताच तो धिप्पाड युवक समोर आला.*
*ज्याच्या चेहर्यावर विलक्षण गांभीर्य होते.*

*खंडोजी ने बाजिंद ला मुजरा केला…तो मुजरा स्वीकारत बाजिंद*
*बोलला..खंडोजीराव..हे वस्ताद काका ना ?*

*जी….होय..हेच माझे वस्ताद…!*

*बाजिंद ने वस्ताद काकांच्या पायांना स्पर्श करायला खाली झुकत्रा, पण त्यांचा हात मध्येच धरत काका बोलले…….*

*अहो, ज्यांच्या कहाण्या ऐकून रायगड परिसर हादरून जातो, असे बार्जिद माझ्या पाया पडतात हे ठीक नाही…..तुमची महती आम्ही जाणतो.*

*यावर हसत हसत बाजिंद उत्तरला…..नाही काका…..तुमच्यासारखे शूर, हिकमती आणि निष्ठ्वान हेर शिवरायांना लाभले हे स्वराज्याचे नशीब..*

*तुमच्या पट्टा सुदर्शन फिरवा तसा फिरताना आम्ही पहिल्रे आहे, आम्ही १०० वर्षे लोकांना केवळ घाबरवून सोडण्याशिवाय काय केले….*

*आमचे मूळपुरुष बाजिंद च्या अंतिम इच्छेला आता फळ मिळाले आहे..आता आम्ही मरणाला केव्हाही तयार !*

*हा संवाद चालू होता आणि खुद्द येसाजीराव शिर्के महाराज त्यांची मुलगी सावित्री व सर्व अंगरक्षकासमवेत तिकडे येत होत्या….*

*वस्ताद काकांनी ओळखले…हेच ते राजे शिर्के…ज्यांनी कित्येक वर्षे स्वराज्याला न जुमानता लढा दिला….पण आता वयाच्या शेवटच्या टप्प्यात मात्र भगव्या ध्वजाखाली आले….*

*त्याना पाहताच सर्वानीच मुजरे केले…*

*खंडोजीने वस्ताद काकांची व राजे शिर्के व सावित्रीची ओळख करून द्यायला*
.
.
👇
*क्रमशः...........!*

*👉अतिशय महत्त्वाचे : सर्व शिवप्रेमींना विनंती आहे या पोस्ट मध्ये कोणीही आपली स्वताची प्रसिध्दी करु नये.🚩*

🏇🏻🚩🏇🏻🚩🏇🏻🚩🏇🏻🚩🏇🏻🚩🏇🏻🚩🏇🏻🚩

*संदर्भ :* 
*बाजींद कांदबरी - लेखक पै.गणेश मानुगडे, ©राजमुद्रा चैनल*

*✍ लेखन/माहिती संकलन : रमेश साहेबराव जाधव.*